ଅଗ୍ନିକାଣ୍ଡରେ ଜଳିଗଲା ୭ ବଖରା ଘର, 3 ଘଣ୍ଟାର ଅକ୍ଲାନ୍ତ ପରିଶ୍ରମ ପରେ ଲିଭିଲା ନିଆଁ

ବାଲେଶ୍ୱର ଜିଲ୍ଲା ସୋର ବ୍ଲକ ନଟାପଡ଼ା ପଞ୍ଚାୟତ ଚହଳିମା ଗାଁରେ ଜଣେ ବ୍ୟକ୍ତିଙ୍କ ଘରେ ଅଗ୍ନିକାଣ୍ଡ l ଅଗ୍ନିକାଣ୍ଡରେ ରାଜେନ୍ଦ୍ର ଭଞ୍ଜଙ୍କର ୭ ବଖରା ଘର ପୋଡି ନଷ୍ଟ ହୋଇଯାଇଛି l ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ବିଦ୍ୟୁତ ସଟସର୍କିଟରେ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି l ଘର ଲୋକେ ଏକ ବିବାହ କାର୍ଯ୍ୟକୁ ଯାଇଥିଲେ କିନ୍ତୁ ଜଣେ ମହିଳା ଘରେ ରହିଥିଲେ l ତେବେ ମହିଳା ଜଣକ ନୂତନ ଘର କାମ ଚାଲୁଥିବା ସେ ମଧ୍ୟ ଘରେ ନଥିଲେ l ହଠାତ ଅଞ୍ଚଳଟି ଧୂଆଁ ମୟ ହୋଇଯାଇଥିଲା ତେବେ ବାହାରକୁ ଆସି ଦେଖିବା ବେଳକୁ ପ୍ରବଳ ମାତ୍ରାରେ ନିଆଁ ଲାଗିଥିବା ଦେଖିଥିଲେ l ତେଣୁ ଗାଁ ଲୋକେ ତୁରନ୍ତ ନିଆଁ ଲିଭାଇବାକୁ ଚେଷ୍ଟା କରିବା ସହିତ ଅଗ୍ନିଶମ ବିଭାଗକୁ ଖବର ଦେଇଥିଲେ l ନିଆଁର ପ୍ରକୋପ ଏତେ ମାତ୍ରାରେ ଥିଲା ଯେ ଆୟତ୍ତ କରିବା ଲୋକଙ୍କ ପକ୍ଷେ ସମ୍ଭବପର ନଥିଲା l ଦମକଳ ପହଞ୍ଚିବା ପରେ ନିଆଁ ଲିଭାଇବା କାର୍ଯ୍ୟ ଚାଲିଥିଲା l ତେବେ ଅଗ୍ନିଶମ ବାହିନୀକୁ ନିଆଁ ଲିଭାଇବା ପାଇଁ ୨ ଘଣ୍ଟା ଲାଗିଥିଲା l ତେବେ ଗାଁ ଲୋକେ କିଛି ମାତ୍ରାରେ ଜିନିଷ ପତ୍ର ବାହାର କରିଥିବା ବେଳେ ଅନେକ ଜିନିଷ ନଷ୍ଟ ହୋଇଯାଇଛି l ଯାହାକୁ ନେଇ ଏବେ ପରିବାର ଲୋକେ ଭାଙ୍ଗିପଡିଛନ୍ତି l ତେବେ ତୁରନ୍ତ ସରକାରୀ ସହାୟତା ପାଇଁ ଦାବୀ କରିଛନ୍ତି l ପ୍ରଭାକର ମଲ୍ଲିକ ଙ୍କ ରିପୋର୍ଟ ଟାଇମ୍ସ ଅଫ କଳିଙ୍ଗ