ବାଲେଶ୍ୱର ଜିଲ୍ଲାର ସୋର ବ୍ଲକ ଅନନ୍ତପୁର ସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିର ପରିସର ରେ ଏକ ନିଆରା ପର୍ବ ଜେଜେ ବାପା ଓ ଜେଜେ ମା ସମ୍ମିଳନୀ ଅନୁଷ୍ଠିତ ହୋଇଯାଇଛି।ଏହି ଅବସର ରେ ଶିଶୁ ମନ୍ଦିର ର ସମସ୍ତ ଗୁରୁଜୀ ଓ ଗୁରୁମା ଓ ବାହନ ଭାଈ ସମେତ ଏକାନବେ ଜଣ ଜେଜେ ବାପା ଓ ଜେଜେମା ପ୍ରମୁଖ ଉପସ୍ଥିତ ଥିଲେ। ମୁଖ୍ୟ ଅତିଥି ଭାବେ ଅନନ୍ତ ପୁର ଗ୍ରାମ ପଞ୍ଚାୟତ ର ଆଶା ମଞ୍ଜରୀ ଦାସ ଉପସ୍ଥିତ ରହି ଜେଜେ ବାପା ଓ ମା ଙ୍କ ର ଭୂମିକା ବିଷୟରେ କହିଥିଲେ ।ମୁଖ୍ୟ ବକ୍ତା ଭାବେ ପତଞ୍ଜଳି ଯୋଗ ସମିତି ର ପ୍ରଚାରକ ଶ୍ୟାମ ସୁନ୍ଦର ମହାନ୍ତି ତାଙ୍କ ବକ୍ତବ୍ୟରେ କହିଥିଲେ ,, କର ଯୋଗ ରୁହ ନିରୋଗ, ଆଣ୍ଠୁ ଗଣ୍ଠି ଯନ୍ତ୍ରଣାରୁ ରକ୍ଷା ପାଇବା ପାଇଁ ଜୈବ ଚିକିତ୍ସା କରାଇଥିଲେ ,ପ୍ରଧାନ ଆଚାର୍ଯ୍ୟ ଅନ୍ତର୍ଯ୍ୟାମୀ ପରିଡ଼ା ଅତିଥି ପରିଚୟ ପ୍ରଦାନ କରିଥିଲେ। ଏହି ଭଳି ନିଆରା କାର୍ଯ୍ୟକ୍ରମ ପାଇଁ ବୁଦ୍ଧିଜୀବୀ ଓ ସାଧାରଣରେ ଖୁସି ର ବାତାବରଣ ସୃଷ୍ଟି ହୋଇଅଛି । ସୋର ରୁ ପ୍ରଭାକର ମଲ୍ଲିକ ଙ୍କ ରିପୋର୍ଟ |
