ରୁଗୁଡି ଥାନା ଗୁଆଲି ଅଞ୍ଚଳରୁ ଖଣି କର୍ମଚାରୀମାନଙ୍କୁ ନେଇ ଭଦ୍ରାସାହି ଆଡକୁ ଆସୁଥିବା ଏକ ବସ୍ ବାରବାଙ୍କ ଘାଟି ନିକଟରେ ଦୁର୍ଘଟଣାଗ୍ରସ୍ତ ହୋଇ ସମୁଦାଯ ୧୩ଜଣ ଆହତ ହୋଇଥିବା ଜଣାପଡିଛି ସମସ୍ତ ଆହତଙ୍କୁ ବଡବିଲ ସରକାରୀ ଡାକ୍ତରଖାନାକୁ ଅଣାଯିବା ପରେ ୩ ଜଣଙ୍କ ଅବସ୍ଥା ଗୁରୁତର ହେବାକୁ ସେମାନଙ୍କୁ କେନ୍ଦୁଝର ଡାକ୍ତରଖାନାକୁ ନିଆଯାଇଛି । । ସୂଚନା ଅନୁସାରେ ଜେଏସ୍ଡବ୍ଲ ନାମକ ଏକ ସଂସ୍ଥାର ପ୍ରାୟ ୩୦ଜଣ କର୍ମଚାରୀଙ୍କୁ ନେଇ ବସ୍ଟି ଗୁଆଲି ଠାରୁ ଭଦ୍ରାସାହି ଆଡକୁ ଆସୁଥିଲା । ୫୨୦ ନମ୍ବର ଜାତୀୟ ରାଜପଥର ବାରବାଙ୍କ ଘାଟି ନିକଟରେ ବସ୍ଟି ଏକ ହାଇୱା ସହ ପଛପଟରୁ ଧକ୍କା ଦେବା ଫଳରେ ବସ୍ର ସମ୍ମୁଖ ପଟ ଭାଙ୍ଗି ଯାଇ ୧୩ଜଣ ଆହତ ହୋଇଛନ୍ତି । ଗୁରୁଡି ପୋଲିସ ଘଟଣାର ଅନୁସନ୍ଧାନ କରୁଛି l