ବାଇକ୍ ଆରୋହୀଙ୍କୁ ଗୋଲାପ ଓ ମିଠା, ଅମାନିଆଙ୍କୁ ସଚେତନତା କଲା ରାୟଗଡ଼ ପୁଲିସ

ରାୟଗଡ଼ ଥାନା ଅଧିକାରୀଣୀ ରିନାରାଣୀ ସାହୁଙ୍କ ତତ୍ତ୍ଵାବଧାନରେ ,ସୋମବାର ରାୟଗଡ଼ ଠାରେ ସଡ଼କ ସୁରକ୍ଷା ସପ୍ତାହ ଅବସରରେ ହେଲମେଟ ପିନ୍ଧିଥିବା ବାଇକ୍ ଆରୋହୀଙ୍କୁ ଗୋଲାପ ଫୁଲ ଓ ଚକୋଲେଟ୍ ଦେଇ ଉତ୍ସାହିତ କରିଥିବା, ବେଳେ ,ହେଲମେଟ ପିନ୍ଧି ନଥିବା ବାଇକ୍ ଆରୋହୀ ଙ୍କୁ ସଚେତନତା କରାଯାଇଥିଲା l ବ୍ଲକ କାର୍ଯ୍ୟାଳୟ ପରିସରରୁ ଏକ ସଚେତନତା ଶୋଭାଯାତ୍ରା ବାହାରି ,ବିଭିନ୍ନ ସ୍ଲୋଗାନ ଦେବା ସହ ଫ୍ଳାଗ୍ କାର୍ଡ଼ ଧରି ଶିବ ମନ୍ଦିର ପର୍ଯ୍ୟନ୍ତ ପହଞ୍ଚି ,ଲୋକଙ୍କୁ ସଡ଼କ ସୁରକ୍ଷା ସମ୍ପର୍କରେ ସଚେତନତା କରାଇ ଥିଲେ । ଏଥିରେ ସରକାରୀ ଉଚ୍ଚ ବିଦ୍ୟାଳୟ ର ଛାତ୍ରଛାତ୍ରୀ, ଅନୁଷ୍ଠାନର କର୍ମଚାରୀ ଓ ପୁଲିସ କର୍ମଚାରୀ ଯୋଗ ଦେଇଥିଲେ l କାର୍ଯ୍ୟକ୍ରମରେ ଏସ୍ ଆଇ କୃଷ୍ଣ ଚନ୍ଦ୍ର ମଲ୍ଲିକ, ନିରଞ୍ଜନ ପାଣିଗ୍ରାହୀ, ହାଇସ୍କୁଲ ର ପ୍ରଧାନ ଶିକ୍ଷକ ମନୋଜ ବେହେରା, ବରିଷ୍ଠ ଶିକ୍ଷକ ସିଦ୍ଧାର୍ଥ ଶଙ୍କର ପାଠୀ ଙ୍କ ସମେତ କର୍ମଚାରୀ ମାନେ ଉପସ୍ଥିତ ଥିଲେ l