କେନ୍ଦୁଝରଗଡ଼(ସ.ପ୍ର.):ଆଜି ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ପକ୍ଷରୁ ନେତାଜୀ ଜୟନ୍ତୀ ପାଳନ ହୋଇଥିଲା। ମହାନାୟକ ମାନଙ୍କର ଜୟନ୍ତୀ ପାଳନ ଅବସରରେ ଶ୍ରୀଅରବିନ୍ଦ ତଥା ଶ୍ରୀମାଙ୍କର ପାଦପଦ୍ମ ତଳେ ପ୍ରାର୍ଥନା ଓ ନୀରବ ଧ୍ୟାନ ସହ ସଭା କାର୍ଯ୍ୟକୁ ଶିକ୍ଷାନୁଷ୍ଠାନର ଅପାଭାଇ ଆଗେଇ ନେଇଥିଲେ। ବିଦ୍ୟାଳୟର ଅଧ୍ୟକ୍ଷ ପଦ୍ମଲୋଚନଙ୍କର ନେତୃତ୍ୱରେ ବୀର ସୁରେନ୍ଦ୍ର ସାଏ, ନେତାଜୀ ସୁଭାଷ ଚନ୍ଦ୍ର ବୋଷଙ୍କର ଦେଶଭକ୍ତି, ତ୍ୟାଗ ଓ ବଳିଦାନ ଉପରେ ବିଭିନ୍ନ ଅଭିଭାଷଣ ପ୍ରଦାନ କରାଯାଇ, ମହାନ ଜନନାୟକ ମାନେ କିପରି ଯାତନା ସହି ଦେଶ ପ୍ରତି ସ୍ନେହ ରଖୁଥିଲେ, ସେ ଉପରେ ଦିଗ ଦର୍ଶନ ରଖାଯାଇଥିଲା। କଳ୍ପନା ଅପା, ଅଜୟ ଭାଇ, ଗୀତାଶ୍ରୀ, ଯୀଶୁଖ୍ରୀଷ୍ଟ ଭାଇ ମଧ୍ୟ ବୀର ସୁରେନ୍ଦ୍ର ସାଏ, ନେତାଜୀ ସୁଭାଷ ଚନ୍ଦ୍ର ବୋଷଙ୍କର ବିଷୟରେ ଛାତ୍ରଛାତ୍ରୀଙ୍କୁ ଉପଦେଶ ଦେଇ ସଭା ଶେଷ କରିଥିଲେ।
times of kalinga
