କଟକ ସଦର ଅନ୍ତର୍ଗତ କନ୍ଦରପୁର୍ ସେଣ୍ଟ ଯେଭିୟର୍ ହାଇସ୍କୁଲର ବାର୍ଷିକ କ୍ରିଡ଼ା ଉଦଘାଟିତ ହୋଇଯାଇଛି। ପ୍ରାରମ୍ଭରେ ସ୍କୁଲର ପ୍ରିନ୍ସିପାଲ ପ୍ରଫେସର ଖଲିକୁଜ୍ ଜମାନ୍ ଖାଁ ବାର୍ଷିକ କ୍ରିଡ଼ା ଉତ୍ସବକୁ ଆନୁଷ୍ଠାନିକ ଭାବେ ଉଦଘାଟନ କଲାପରେ ଛାତ୍ରଛାତ୍ରୀ ମାନଙ୍କ ମଧ୍ୟରେ ବିଭିନ୍ନ କ୍ରୀଡା ପ୍ରତିଯୋଗିତା ଆରମ୍ଭ ହୋଇଥିଲା। ଉକ୍ତ ଉଦଘାଟନୀ ସମାରୋହରେ ସ୍କୁଲ ପରିଚାଳନା କମିଟିର ନିର୍ଦ୍ଦେଶିକା ଶ୍ରୀମତୀ ବୈଜୟନ୍ତୀ ଜେନା ଓ ସମ୍ପାଦକ ଶ୍ରୀଯୁକ୍ତ ନରେଶ ଚନ୍ଦ୍ର ଜେନା ସମ୍ମାନିତ ଅତିଥି ଭାବେ ଯୋଗ ଦେଇ ଛାତ୍ରଛାତ୍ରୀ ମାନଙ୍କୁ କ୍ରୀଡାର ମହତ୍ତ୍ଵ ସମ୍ପର୍କରେ ବୁଝାଇଥିଲେ। ପ୍ରଥମ ଦିବସରେ ଛାତ୍ରଛାତ୍ରୀ ମାନେ ଉଚ୍ଚ କୋଟିର କ୍ରୀଡା ପ୍ରଦର୍ଶନ କରି ଅଭିଭାବକ ତଥା ଅତିଥି ମାନଙ୍କ ଦ୍ଵାରା ଉଚ୍ଚ ପ୍ରଶଂସିତ ହୋଇଥିଲେ। ଉକ୍ତ କ୍ରୀଡା ପ୍ରତିଯୋଗିତା ତିନି ଦିନ ଧରି ଚାଲିବ ବୋଲି ସ୍କୁଲର ପ୍ରିନ୍ସିପାଲ ଅବଗତ କରାଇଥିଲେ। କ୍ରୀଡା ପ୍ରତିଯୋଗିତାକୁ ସୁଚାରୁରୂପେ ପରିଚାଳନା କରିବାରେ ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ କର୍ମଚାରୀ ମାନେ ସହଯୋଗୀତା କରିଥିଲେ।
କଟକ ସଦର ରୁ ଅଫସର ଅଲ୍ଲୀ ଙ୍କ ରିପୋର୍ଟ ଟାଇମ୍ସ ଅଫ୍ କଳିଙ୍ଗ।
