ଜଙ୍ଗଲ ନିଆଁ ନିରାକରଣ ସଚେତନତା ପାଇଁ ଭଲିବଲ୍ ଟୁର୍ଣ୍ଣାମେଣ୍ଟ

ଗଜପତି ଜିଲ୍ଲା ରାୟଗଡ଼ ବ୍ଲକ ଅଧିନ ମହେନ୍ଦ୍ର ବନାଞ୍ଚଳ ପକ୍ଷରୁ ଜଙ୍ଗଲ ନିଆଁ ନିରାକରଣ ସଚେତନତା ଉଦ୍ଦେଶ୍ୟରେ ଲାଇଲାଇ ପଞ୍ଚାୟତର ଉପରତିଲି ଠାରେ ଦିନିକିଆ ଭଲିବଲ୍ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି l ଲାଇଲାଇ, ଏସ୍.କରଡ଼ାସିଂ ଓ ଗଣ୍ଡାହାତୀ ଆଦି ତିନୋଟି ପଞ୍ଚାୟତର ୧୨ ଟି ଟିମ୍ ଏଥିରେ ଅଂଶ ଗ୍ରହଣ କରିଥିଲେ l ଉକ୍ତ ମ୍ଯାଚରେ ସମସ୍ତ ଟିମ୍ କୁ ହରାଇ ଏସ୍. ପାଇଲାମ ଓ ସାନ ଲୋବା ଟିମ୍ ଫାଇନାଲ ରେ ପହଂଚି ଥିଲେ I ଫାଇନାଲରେ ସାନ ଲୋବା ଟିମ୍ କୁ ହରାଇ ଏସ୍. ପାଇଲାମ ଟିମ୍ ବିଜୟ ହୋଇ ଚାମ୍ପିୟନ ହୋଇଥିଲା l ବିଜୟୀ ଦଳକୁ ନେଟ୍ ବଲ ସହ ଟ୍ରଫି ପ୍ରଦାନ କରାଯାଇଥିଲା l ଏଥିରେ ମୁଖ୍ୟ ଅତିଥି ଭାବେ ମହେନ୍ଦ୍ର ବନାଞ୍ଚଳ ଅଧିକାରୀ ଅମିତ୍ ସୁବ୍ରଜିତ, ସମ୍ମାନିତ ଅତିଥି ଭାବେ ସରପଞ୍ଚ ଶୁଭବତି କାର୍ଯୀ, ନାରାୟଣପୁର ବନପାଳ କାମେଶ୍ଵର ରାଓ ପ୍ରମୁଖ ଉପସ୍ଥିତ ଥିଲେ l ଆଗକୁ ଗ୍ରୀଷ୍ମଋତୁ ଆସୁଥିବା ବେଳେ ଜଙ୍ଗଲରେ ନିଆଁ ଲାଗିବ ସମ୍ଭାବନା ରହିଛି। ତେଣୁ ଏହାକୁ ଦୃଷ୍ଟିରେ ରଖି ଜଙ୍ଗଲରେ ନିଆଁ ଲାଗିବ ଦ୍ଵାରା ଜଙ୍ଗଲ ଧ୍ଵଂସ, ପରିବେଶ ପ୍ରଦୂଷଣ ହେବାସହ ଜଙ୍ଗଲ ଜନ୍ତୁ ଅସୁରକ୍ଷିତ ଭାବେ ରହିବା ସହ ଜଳବାୟୁ ସମସ୍ୟା ଦେଖାଦେଉଛି। ତେଣୁ ଜଙ୍ଗଲରେ ନିଆଁ ନ ଲଗାଇବା ପାଇଁ ଅତିଥି ମାନେ ନିବେଦନ କରିଥିଲେ l ଉକ୍ତ କାର୍ଯ୍ୟକ୍ରମକୁ ବନରକ୍ଷୀ କାଳିପ୍ରସାଦ ଶବର ପରିଚାଳନା କରିଥିଲେ l