ଭୟାବହ ଅଗ୍ନିକାଣ୍ଡ, ଜଳିଗଲା ୫ ବଖରା ଘର , ଲକ୍ଷାଧିକ ଟଙ୍କାର ଆସବାବପତ୍ର ନଷ୍ଟ

ସୋର ବ୍ଲକ କେଦାରପୁର ପଞ୍ଚାୟତ ପାତ୍ରସାହିରେ ଆଜି ସନ୍ଧ୍ୟାରେ ଭୟାବହ ଅଗ୍ନିକାଣ୍ଡ ଘଟି ୫ ବଖରା ଘର ସମ୍ପୂର୍ଣ୍ଣ ଜଳି ଯାଇଥିବା ବେଳେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଛି।ଆଜି ସନ୍ଧ୍ୟାରେ ଗ୍ରାମରେ ସନ୍ଧ୍ୟା ଦିଆଯାଉଥିବା ବେଳେ ଏହି ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି।ଅଗ୍ନିକାଣ୍ଡ ଘଟିବା ଜାଣିପାରି ଗ୍ରାମବାସୀ ମାନେ ନିଆଁକୁ ଆୟତ୍ତ କରିବା ସହିତ ସୋର ଅଗ୍ନିଶମ ବିଭାଗକୁ ଖବର ଦେଇଥିଲେ। ଖବର ପାଇ ସୋରରୁ ଦୁଇଟି ଦମକଳ ଘଟଣାସ୍ଥଳରେ ପହଂଚି ନିଆଁକୁ ଆୟତ୍ତ କରିଥିଲେ। ସେତେବେଳକୁ ଶଙ୍କର୍ଷଣ ନାୟକଙ୍କ ୧ ବଖରା, ପଦ୍ମଲୋଚନ ଭୋଇଙ୍କର ୧ ବଖରା, ଦାଶରଥୀ ନାୟକଙ୍କର ୨ ବଖରା ଏବଂ ଭାଗିରଥି ନାୟକଙ୍କର ୧ ବଖରା ଘର ସମ୍ପୂର୍ଣ୍ଣ ଜଳି ପୋଡି ପାଉଁଶ ହୋଇଯାଇଛି।ଏମାନେ ସମସ୍ତେ ଅତ୍ୟନ୍ତ ଗରିବ ଶ୍ରେଣୀର ହୋଇଥିବାରୁ ତୁରନ୍ତ ସରକାରୀ ସାହାର୍ଯ୍ୟ ଯୋଗାଇ ଦେବାକୁ ଗ୍ରାମବାସୀ ମାନେ ଦାବୀ କରିଛନ୍ତି। କିଛିଦିନ ହେବ ଅନେକ ନଡ଼ା ଛପର ଘର ଅଗ୍ନିକାଣ୍ଡରେ ପୋଡ଼ି ଯାଉଥିବାରୁ ଖଟିଖିଆ ,କୃଷକ ଗରିବ ଶ୍ରେଣୀୟ ଲୋକମାନେ ଆତଙ୍କରେ ଥିବା ଜଣାପଡିଛି । ସୋର ରୁ ପ୍ରଭାକର ମଲ୍ଲିକ ଙ୍କ ରିପୋର୍ଟ ଟାଇମ୍ସ ଅଫ କଳିଙ୍ଗ